एका सामान्य माणसाचं असामान्य स्वप्न आहेस तु,
कदाचित नसेल आपला आलिशान बंगला किंवा डौलदार घर,
पण प्रेमाची जाण आणि स्वाभिमानाची शान नक्कीच दिसेल तुला,
तुला दिसतील तुझ्या सख्या ऐश्वर्य उपभोगताना,
पण माझ्याकडे दिड दमडी नसताना देखिल, हरवू देणार नाही तुझ्या गालावरचं हसू,
कारण? कारण एका सामान्य माणसाचं असामान्य स्वप्न आहेस तु
आयुष्यात अनेक प्रतिकुल परिस्थिती येतील ज्यावेळी मला तुझी साथ हवी असेल,
हरेलही मी बरेचसे डाव, पण माझा हात कधिच सोडू नकोस,
तेव्हा तुझं माझ्या सोबत असणं हाच माझा विजय असेल,
जग म्हणेल मला गरिब–दरिद्री, तु अजिबात तिकडे लक्ष द्यायचं नाहीस,
कारण? कारण एका सामान्य माणसाचं असामान्य स्वप्न आहेस तु
सुख-दुख म्हणता म्हणता आयुष्य संपत जाईल,
मी नेहमिच असेल तुझ्या सोबत, अगदी शेवटच्या क्षणापर्यंत,
आणि एक दिवस तुझ्या मांडीवर डोकं ठेवून मी निघून जाईन हे जग सोडून,
पण सोबत देऊन जाईन जन्मभराच्या आठवणींचा ठेवा, तुला हसवण्यासाठी,
कारण? कारण त्यावेळी एका असामान्य माणसाचं असामान्य स्वप्न असशिल तु