आकाशात जेव्हा तांबड्या रंगाची झालर पसरते
तेव्हा तु आणि तुच मला आठवते
     नकळत माझी पावले चालू लागतात
     आपल्या जून्या भेटीच्या ठिकाणाकडे
एक वेडसर उमेद असते मनात तुला भेटण्याची
आणि भेटल्यावर तुला कवेत घेण्याची
     तिथे पोहोचल्यावर मात्र निरस होतो मनाचा
     एक उदासिनता पसरते चोहीकडे
मी खिन्न होऊन उभा असतो एकटाच
आणि अचानक नजर वळते आकाशाकडे
     माझ्या मनासारखेच ढगही भरुन आलेले असतात
     मग टपटप करुन अश्रु आणि पाऊसधारा ओघळू लागतात
तु नसताना सोबत माझ्या
पाऊसच देतो साथ मला
     अन बरसत राहतो आम्ही दोघे
     रुपेरी-चंदेरी आठवणींत तुझ्या…